भारतको जी–नेटवर्कले किन्यो ‘ह्रस्व दीर्घ’ हिन्दी संस्करणको ओटीटी अधिकार

लेन्सनेपाल २०८१ मंसिर २७

चलचित्र ‘ह्रस्व दीर्घ’को हिन्दी संस्करणको ओटीटी अधिकार भारतको प्रतिष्ठित जी नेटवर्कले खरिद गरेको छ । बुधवार साँझ सामाजिक सञ्जालमार्फत अभिनेता हरिहर अधिकारीले सम्झौताबारे सार्वजनिक जानकारी दिएका हुन् ।

नेपाली र दक्षिण भारतीय भाषाहरू बाहेक अन्य भाषाका लागि ओटीटी अधिकार बिक्रिी गरिएको जनाइए पनि आर्थिक पक्ष भने गोप्य राखिएको छ । जी नेटवर्क जस्तो ठूलो प्लेटफर्मले नेपाली चलचित्र खरिद गर्नुले यसको विश्वव्यापीकरणमा सहेत मद्धत पुग्ने अपेक्षा गरिएको छ ।

चलचित्रलाई जी नेटवर्क भारतीय च्यानल र ओटीटी प्लेटफर्महरूमा रिलिज गर्नेछ । निता ढुङ्गाना फिल्मस्को ब्यानरमा निर्माण गरिएको चलचित्रलाई अभिनेत्री निता ढुङ्गानाले निर्माण गरेकी हुन् । चलचित्रमा निता र हरिहरसँगै रेखा थापा, गजित बिस्ट, प्रशान्त ताम्राकार, बिपना थापा, सरोज खनाल, दक्षिण भारतीय कलाकारहरू ब्रह्मानन्दम, अलि, सुनिल वर्मा, प्रदीप रावत लगायतको पनि अभिनय रहेको छ ।