इन्टु मिन्टु लण्डनमा : यो वर्षको सवैभन्दा उच्च व्यापार

लेन्सनेपाल २०७५ असोज ७

चलचित्र ‘इन्टु मिन्टु लण्डनमा’ले यो वर्षकै सवैभन्दा उच्च ओपनिङ गरेको छ । शुक्रबार नै आक्रामक व्यापार गरेको चलचित्रले शनिबार देशभरका सिनेमा घरमा आफ्नो पकड कायम राखेको हो ।

शनिबार देशैभरका अधिकांश चलचित्रहलहरु हाउसफुल भएका थिए । वितरकहरु इन्टु मिन्टु लण्डनमा वर्ष २०७५ कै सबैभन्दा उच्च इनिसियल व्यापार गर्ने चलचित्र भएको बताउँछन् ।

रेनशा वान्तवा राइको निर्देशन रहेको चलचित्रमा साम्राज्ञी राज्यलक्ष्मी शाह, धिरज मगर, सारुक ताम्राकार लगायतका कलाकारको अभिनय रहेको छ ।

शनिबार चलचित्रका कलाकारहरु दर्शक प्रतिक्रिया लिन राजधानीका केही हलमा पुगेका थिए । हलमा दर्शकमाझ कलाकारको क्रेज निकै देखियो । खासगरि साम्राज्ञी र धिरजको क्रेज दर्शकमाझ ज्यादा देखिएको थियो ।