Mahajatra

फागुन १७ गतेलाई प्रदर्शनको मिति तोक्दै ‘जात्रै जात्रा’को टिजर सार्वजनिक 

२०७५ कार्तिक २४
फागुन १७ गतेलाई प्रदर्शनको मिति तोक्दै ‘जात्रै जात्रा’को टिजर सार्वजनिक 

चलचित्र ‘जात्रै जात्रा’को टिजर सार्वजनिक गरिएको छ । शनिबार भिडियो साझेदारी सञ्जाल युट्युव मार्फत टिजर सार्वजनिक गरिएको हो ।

फागुन १७ गतेलाई प्रदर्शनको मिति तोक्दै सार्वजनिक गरिएको टिजरमा चलचित्रका मुख्य कलाकार बिपिन कार्की, रविन्द्र सिंह बानियाँ, रविन्द्र झा, दयाहाङ राईलगायतका कलाकारलाई प्रस्तुत गरिएको छ ।

चलचित्र ‘जात्रै जात्रा’ २०७३ कार्तिक २६ गते प्रदर्शन भएको चलचित्र ‘जात्रा’को सिक्वेल हो । टिजर हेर्दा जात्राको शैली सिक्वेलमा पनि कायम राखिएको देखिएको छ । टिजरमा समावेश गरिएका सम्वादका आधारमा जात्रा जहाँ सकिएकोे थियो त्यहीबाट यसको कथा उठान गरिएको सहजै बुझ्न सकिन्छ ।

प्रदिप भट्टराईको लेखन तथा निर्देशन रहेको ‘जात्रै जात्रा’मा बर्षा राउत, प्रकाश घिमिरे, सोहित मानन्धर, सुस्मिता कार्की, प्रेम पाण्डे, कालु राना, प्रियंका झालगायतका कलाकारको पनि अभिनय रहेको छ । चलचित्रलाई सिंगे लामा र यादव पौडेलले निर्माण गरेका हुन । कार्यकारी निर्माता भने रविन्द्र सिंह बानियाँ हुन ।