युबराज दिपेन्द्रका संगीत गुरु थिए जयनन्द लामा

स्वर्गिय जयनन्द लामा कुनै समय तत्कालिन युवराज दिपेन्द्र बिरबिक्रम शाहदेब र उनकी बहिनी श्रृतिराज्य लक्ष्मीदेबी शाहका संगीत गुरु थिए । उनले दबरबारमै गएर उनीहरुलाई संगीत सिकाउने गर्थे । पछिल्लो समय पनि उनले बिभिन्न संगीत प्रशिक्षण केन्द्रमा संगीतको प्रशिक्षण गराउदै आएका थिए ।

बहुमुखी प्रतिभाका धनी लामा लोकगायक र कलाकारका रुपमा बढी चिनिन्छन् । १३ वर्षको उमेरदेखि लोकगीत संगीतमा लागेका लामाले शास्त्रीय संगीतमा स्नात्तोकोत्तर गरेका छन् । नेपाली संगीतको मौलिक लिपी बिंगुलको अनुसन्धानकर्ता समेत रहेका लामाले झण्डै २५ वर्ष यही लिपीको अनुसन्धानमा खर्चिएका छन् ।

Jayananda Lama

Know more about 'Jayananda Lama'

सबै कुरा सिद्धान्त अनुसार हुने भए पनि लोकसंगीतको कुनै सिद्धान्त नभएको भन्दै लामाले लामो समयको अनुसन्धान पनि दुई पुस्तक लेखेका थिए । २०६४ सालमा नेपाली संगीत वर्णमाला र २०६६ सालमा संगीतको सिद्धान्त नामक पुस्तक उनले बजारमा ल्याएका छन् 

रेडियो नेपालमा लोकगीत प्रबन्धकका रुपमा रहदा होस् वा प्रज्ञा प्रतिष्ठानमा क श्रेणीको गायकका रुपमा कार्यरत रहदा नै किन नहोस् झण्डै ५ वर्ष उनी लोकगीतको अनुसन्धानका लागि देशका बिभिन्न स्थानमा पुगेका छन् । उनले त्यही क्रममा गरेको अनुसन्धानका आधारमा ७ वटा पुस्तक लेख्ने योजना बनाएका थिए । तर, त्यो अब अधुरै रहेको छ ।

नेपाली संगीतको इतिहास वैदिक युगदेखि शुरु भएको उनको मान्यता छ । उनी यही कुरालाई स्थापित गर्ने तयारीमा जुटेका थिए । 

त्यसो त सन् १९७० मा उनका गीतहरु संकलित एल्बम रिलिज भएको थियो । त्यही एल्बम नेपाली सांगीतिक इतिहासकै पहिलो एल्बम भएको उनको दाबी थियो ।

लामाले थुप्रै अवार्ड, पुरस्कार र सम्मानहरु प्राप्त गरेका छन् ।

यो पनि पढ्नुहोस्
कलाकार जयनन्द लामाप्रति राष्ट्रपति र प्रधानमन्त्रीद्वारा श्रद्धाञ्जली व्यक्त

यो पनि पढ्नुहोस्
मसँग बाँचुञ्जेल गाएर नसकिने गीत छ, तर लगानी गरिदिने कोही छैनन् : जयनन्द लामा

यो पनि पढ्नुहोस्
कलाकार जयनन्द लामाको निधन, आफ्नै कारमा खुट्टा अल्झेर लड्दा निधन भएको प्रहरीको भनाइ