‘जेरी अन टप’को गीत बाहेकको छायांकन समाप्त

लेन्सनेपाल २०८१ चैत्र १२

चलचित्र ‘जेरी अन टप’को दुई गीत बाहेकका सम्पूर्ण दृष्यको छायांकन सकिएको निर्माण टिमले जनाएको छ । सोमबार हिमालपारीको जिल्ला मुस्ताङमा चलचित्रको छायांकन सम्पन्न गरेर कलाकार सहितको टिम काठमाडौं रिटर्न भएको छ ।

सगरमाथा बेसक्याम्प, काठमाडौं, मुस्ताङ लगायतका ठाउँमा चलचित्रको छायाँकन गरिएको छ । चलचित्रका केहि दृश्य काठमाडौंमा सेट लगाएर गरिएको हो । निर्माण टिमले बाँकी दुई मध्ये एउटा गीत नेपालमा र अर्को गीत भारतका छायांकन गर्ने जनाएको छ ।

सुयोग गुरुङको निर्देशन रहेको चलचित्रमा अनमोल केसी, आँचल शर्मा, जसिता गुरुङ, केदार घिमिरे (माग्नेबुढा), भुवन केसी, सुरक्षा पन्त, उषा खड्की लगायतको अभिनय छ ।

अनन्या फिल्मस्को ब्यानरमा निर्माण भएको चलचित्रका निर्माता सरोज न्यौपाने हुन् । निर्माता न्यौपानेले उत्कृष्ट चलचित्र तयार पार्नका लागि आवश्यक कुनै पक्षमा पनि सम्झौता नगरिएको जनाए । गत सातामात्रै चलचित्रको अन्तर्राष्ट्रिय वितरण तथा प्रदर्शन अधिकार एलजी एसोसिएट्सले खरिद गरिसकेको छ ।