‘एक भागवत र एक गीता’को गीत ‘झिँझिँया’ सार्वजनिक

लेन्सनेपाल २०८० भाद्र २६

शुक्रबारबाट प्रदर्शन हुने चलचित्र ‘एक भागवत र एक गीता’ (सामाजिक कथा)मा समावेश मैथिली भाषाको गीत सार्वजनिक गरिएको छ । मंगलबार काठमाडौंमा आयोजित एक कार्यक्रमका बिच ‘झिँझिँया’ बोलको लोक भावको गीत सार्वजनिक गरिएको हो । सार्वजनिक मैथिली समुदायको परम्परागत गीतमा नेहा प्रियदर्शनी र प्रवेश मलिकको युगल स्वर रहेको छ भने गायक मलिकले नै संगीत दिएका छन् ।

गीतले मैथिली संस्कृति र जीवन प्रस्तुत गरेको छ । जानकी मन्दिरको परिसरमा छायांकन गरिएको गीतमा अभिनेत्री सुहाना थापा, विपिन कार्कीलगायतका कलाकारको नृत्य देख्न सकिन्छ ।

झरना थापाको निर्देशन रहेको चलचित्रमा सुहाना र विपिनसँगै धीरज मगर, जेभिस श्रेष्ठ, जेभिन श्रेष्ठ, संजोग रसाइली, मुकेश झा, राम कैलाश ठाकुर, धीरज ठाकुर, सुरेन्द्र राय, गंगाकान्त झालगायतको पनि अभिनय रहेको छ । चलचित्रले मंगरबार नै सेन्सर बोर्डबाट युनिभर्सल सर्टिफिकेट प्राप्त गरेको छ ।