‘कार्साङ’ले सार्वजनिक गर्‍यो जितु नेपालको लुक्स

लेन्सनेपाल २०८१ कार्तिक २७

शेर्पा समुदायको कथामा आधारित चलचित्र ‘कार्साङ’ टिमले अभिनेता जितु नेपालको क्यारेक्टर लुक्स सार्वजनिक गरेको छ । लुक्स र गेटअप हेर्दा उनको चरित्र आदिवासी जनजाती समुदायको जस्तो लाग्छ । पोस्टर हेर्दा जितुले चरित्र निर्माणमा मिहिनेत गरेको देखिन्छ ।

आगामी पुष २६ गतेबाट सार्वजनिक प्रदर्शन हुने चलचित्रको शिर्ष भूमिकामा भने अभिनेता दयाहाङ राईको अभिनय रहेको छ । यसअघि दयाहाङको क्यारेक्टर लुक्स सार्वजनिक भइसकेको छ ।

यम शेर्पाको लेखन तथा निर्देशन रहेको चलचित्रमा अभिनेता दयाहाङ राई, अभिनेत्री सिर्जना निङलेखु, जितु नेपाल, दीया मास्के, बुद्धि तामाङ, सृष्टि गौतम, डोमा ह्योल्मो, प्रेम लोप्चन, सुरवीर पण्डितलगायतको अभिनय छ ।

यार्सा फिल्म्स र पुरुषोत्तम प्रधान फिल्म्सको प्रस्तुतिमा निर्माण भएको चलचित्रमा पुरुषोत्तम प्रधानको छायाँकन छ । प्रधान चलचित्रका निर्माता समेत हुन् भने सह–निर्मातामा गोविन्द बोहरा, कार्यकारी निर्माता आङछिरिङ शेर्पा तथा लाइन प्रोड्युसर वीरेन्द्र शाही छन् ।