‘जीवन काडा कि फूल’को ट्रेलर सार्वजनिक

लेन्सनेपाल २०७६ भाद्र ११
‘जीवन काडा कि फूल’को ट्रेलर सार्वजनिक

मदन पुरस्कार बिजेता साहित्यकार झमक घिमिरेको जीवनीमा आधारित चलचित्र ‘जीवन काडा कि फूल’को ट्रेलर सार्वजनिक गरिएको छ । राजधानीमा आयोजित एक कार्यक्रमका बिच चलचित्रको ट्रेलर र प्रदर्शन मिति सार्वजनिक गरिएको हो ।

यसअघि गत वर्षको चैत २२ देखि प्रदर्शनमा आउने भनिए पनि प्रदर्शन हुन सकेको थिएन । निर्माण पक्षले चलचित्रको नयाँ प्रदर्शन मिति कार्तिक २२ गतेलाई तय गरेको छ । 

२०६७ सालको मदन पुरस्कार प्राप्त कृति ‘जीवन काडा कि फूल’मा आधारित चलचित्र साहित्यकार झमक घिमिरेको जीवन कहानीमै आधारित रहेको निर्माता तथा निर्देशक बिनोद बिष्टले जनाएका छन् ।

चलचित्रमा घिमिरेको बाल्यकालको भूमिकामा अवस्था थापा, युवा अवस्थामा रोजिता बुद्धचार्य र बहिनीको भूमिकामा सारिका घिमिरेले अभिनय गरेका छन् । चलचित्रमा शिव ढकालको छायाँकन, कमल राईको नृत्य निर्देशन र तारा थापा ‘किम्भे’को सम्पादन रहेको छ ।