Tv/Web

बृत्तचित्र ‘जोगी, रातका देवता’ सार्वजनिक

लेन्सनेपाल २०७७ श्रावन २६

परम्परागत रुपमा चल्दै आएको फेरी लगाउने चलन माथी तयार पारिएको बृत्तचित्र ‘जोगी, रातका देवता’ सार्वजनिक गरिएको छ ।

दयाराम घिमिरेको निर्देशन रहेको यो डकुमेन्ट्रीले नेपालमा २ वटा अवार्ड जितिसकेको छ भने ३ वटा अन्र्तराष्ट्रिय डकुमेन्ट्रि फेष्टिफलमा अफिसियल सेलेक्सन भएको थियो । सोसल मिडिया फिल्म अवार्ड र काठमाण्डौ सर्टफिल्म फेष्टामा यो डकुमेन्ट्री उत्कृष्ठ घोषित भएको थियो ।

रातको समयमा जोगीले घर – घर घुमेर मन्त्र बोल्दै घरको शान्तीको लागी शंख बजाउदै हिड्ने र बिहान घर घरमा पुगेर सिधा उठाउने चलनलाई बृत्तचित्रमा उतारिएको निर्देशक घिमिरेले जानकारी दिए । बिस्तारै लोप हुन लागेको यो परम्परालाई सबै माझ पुर्याउने उद्देश्यले बृत्तचित्र तयार पारिएको निर्देशक दयारामको भनाइृ छ । बृत्तचित्रमा फेरी लगाउदै हिड्ने ओम नाथ जोगीलाई नै फिचर गरिएको छ ।

हार्दिक मिडियाको प्रस्तुतीमा तयार भएको डकुमेन्ट्रिलाई हरि उप्रेती र दयारामले निर्माण गरेका हुन् भने तेनहाङ राई सहनिर्माता हुन् ।