चलचित्र ‘कागजपत्र’को ट्रेलर सार्वजनिक

लेन्सनेपाल २०७५ फागुन ८

चलचित्र ‘कागजपत्र’को ट्रेलर सार्वजनिक गरिएको छ । बुधबार राजधानीमा आयोजित एक कार्यक्रमका विच चलचित्रको ट्रेलर सार्वजनिक गरिएको हो । अष्ट्रेलिया जान गरिने नक्कली विवाहको कथा उठाएको चलचित्रलाई अपिल विष्टले निर्देशन गरेका हुन । सार्वजनिक ट्रेलरमा नाजिर हुसेन, शिल्पा मास्के, भोलाराज सापकोटा, सरिता गिरी, लोकेन्द्र लेखक, लक्ष्मी वर्देवा, जीवन भट्टराई आरजेस रेग्मी लगायतका कलाकारलाई स्थान दिइएको छ ।

इपी एजुकेशन अष्ट्रेलिया प्रस्तुतकर्ता रहेको चलचित्र वल्र्डवाइड फिल्मस् र अस चलचित्रको संयुक्त व्यानरमा निर्माण भएको हो । चलचित्रमा अपिल बिष्टको लेखन तथा निर्देशन रहेको छ । कागजपत्र सामाजिक तथा कमेडी कथामा निर्माण गरिएको निर्देशक अपिल बिष्टले बताएका छन् ।

खिलेन्द्र तिम्सिना, मुकेश रेग्मी र प्रजापती सिवाकोटी निर्माता रहेको कागजपत्रमा किरण न्यौपाने र सरस्वती श्रेष्ठ सहनिर्माताको रुपमा रहेका छन् । चलचित्रमा बसन्त सापकोटा र संगीत सापकोटाको संगीत, क्यासिमिर डिक्शनको छायाँकन र निमेष श्रेष्ठको सम्पादन रहेको छ । चलचित्र चैत्र ८ गतेबाट प्रदर्शन हुँदैछ ।