‘कठपुतली’ को ट्रेलर सार्वजनिक

लेन्सनेपाल २०७८ मंसिर २४

चलचित्र ‘कठपुतली’ को ट्रेलर सार्वजनिक गरिएको छ । बुधवार राजधानीमा आयोजित एक कार्यक्रमका बिच चलचित्रको ट्रेलर सार्वजनिक गरिएको हो । हरर जनरामा निर्माण भएको चलचित्रमा राजाहरुको शासन समयमा दरबारभित्र हुने घट्नाक्रमलाई देखाइएको जनाइएको छ ।

भिमसेन लामाले निर्देशन गरेको चलचित्रमा गौरी मल्ल, मिथिला शर्मा, कर्मा, शिल्पा माष्के, उषा रजक, सुवर्ण थापा, ध्रुव कोइराला लगायतका कलाकारहरुको अभिनय रहेको छ । आगामी पुष १६ गतेलाई प्रदर्शन मिति तय गरेको चलचित्रलाई पृथ्वी राना मगरले निर्माण गरेका हुन् । चलचित्रमा सम्पदा मल्लको लेखन रजोएल फ्रूमको छायाँकन रहेको छ ।

कार्यकारी निर्माता समेत रहेकी सम्पदाले चलचित्र हरर जनरामा निर्माण भए पनि मौलिक कथामा बनेको बताइन् । उनले चलचित्रले हाम्रै माटोको कथा भन्ने दाबी समेत गरेकी छिन ।

चलचित्रका सहनिर्मातामा विशाल गुरुङ, धर्म श्रेष्ठ र हेम थापा छन् ।