कलेज केन्द्रित प्रचारमा ‘कुम्भ करण’

लेन्सनेपाल २०७६ जेष्ठ २
कलेज केन्द्रित प्रचारमा ‘कुम्भ करण’

चलचित्र ‘कुम्भ करण’को प्रचारलाई कलेज केन्द्रित बनाइएको छ । चलचित्रमा मुख्य नायक र नायिका शिक्षक र शिक्षिका रहेको हुनाले कलेज केन्द्रित प्रचार थालिएको निर्माण पक्षले जनाएको छ ।

राजधानीका बिभिन्न कलेजहरुमा पुगि निर्माण टिमले बिद्याथीहरुसँग अन्तक्रिया समेत गरेको छ । जहाँ कलाकारहरु गौरब पहारी, भोलाराज सापकोटा, अभय बराल, सरिता गिरी निर्देशक दिपक ओली र वितरक करण श्रेष्ठ उपस्थित थिए । अन्तक्रियामा चलचित्रको बारेमा जानकारी दिदै बिद्यार्थीहरुबाट उठेका केही प्रश्ननको कलाकारहरुले जवाफ समेत दिएका थिए ।

आकाश पल इन्टेर्टेन्मेन्टको ब्यानरमा निर्माण भएको चलचित्रको पोस्टर र ट्रेलर केही दिन अघि मात्र सार्वजनिक गरिएको हो । ट्रेलरले राम्रै प्रतिक्रिया पाएको निर्माण टिमको भनाई छ । चलचित्रमा महेश दवाडीको पटकथा सम्बाद, गोबिन्द मधुर आचार्यको संगीत, सुनिल बसेलको कोरियोग्राफी, हरि घले लामाको छायाँकन र मिलन श्रेष्ठको सम्पादन रहेको छ । चलचित्रलाइ रिच इन्टरटेर्मेण्टका करण श्रेष्ठले वितरण गर्दै छन छ ।

चित्र बहादुर घर्ति मगर र क्षितिज बस्नेतको निर्माण रहेको चलचित्रमा सह निर्माताको रुपमा गिर प्रसाद घर्ति मगर र विजय श्रेठ रहेका छन । कार्यकारी निर्मातामा रोम ओली र चुपनिधि रिजाल (अरुण) रहेका छन भने लाईन प्रडूसरमा सरिता गिरि रहेकी छन् । चलचित्रमा नायिका निशा अधिकारी, गौरब पहाडी, भोलाराज सापकोटा, अभय बराल, प्रमोद अग्रहरी, आकाश पल, कुलदिप अधिकारी, कमल गाउले, प्रतिभा छेत्री, सुधब थापा लगायतका कलाकारको अभिनय रहेको छ ।