‘लभ डायरीज’को पोस्टर र रिलिज डेट सार्वजनिक

लेन्सनेपाल २०७६ जेष्ठ १

चलचित्र ‘लभ डायरीज’को पोस्टर र रिलिज डेट सार्वजनिक गरिएको छ । सार्वजनिक पोस्टरमा अभिनेत्री रुबीना थापा र अभिनेता सुशील श्रेष्ठको रोमान्टिक अवतार प्रस्तुत गरिएको छ ।

असोज ३ गतेका लागि प्रदर्शन मिति तय गरिएको चलचित्रलाई सौरभ चौधरीले निर्देशन गरेका हुन् । चलचित्रमा विश्वजित रिमाल, विष्णु सापकोटा, अर्जुनजंग शाही, विशाल पहारीलगायतका कलाकारको पनि मुख्य भूमिका छ ।

विनोद सापकोटाले निर्माण गरेको चलचित्रमा सरोज तुलाधरले साझेदारी गरेका छन् । चलचित्रमा संजय लामाको छायाँकन, कविराज गहतराजको कोरियोग्राफी र अर्जुन पोखरेलको संगीत रहेको छ ।