‘लभ यु हमेशा’को गीत सार्वजनिक

लेन्सनेपाल २०७६ भाद्र १७

चलचित्र ‘लभ यु हमेशा’को शीर्ष गीत सार्वजनिक गरिएको छ । सार्वजनिक गीतमा निर्देशक भाष्कर प्रधान भासुको शब्द तथा संगीत, प्रताप दास र श्रेया सोताङको स्वर र रामजी लामीछानेको कोरियोग्राफी रहेको छ । गीतमा अभिनेता यशराज गरच र डेव्यु अभिनेत्री फिजा योन्जनलाई प्रस्तुत गरिएको छ ।

धर्मा क्रियशनको ब्यानरमा यवन गुरुङको निर्माण र मिलन गुरुङ सहनिर्माता रहेको चलचित्र कार्तिक २२ गतेबाट प्रदर्शन हुँदैछ । त्यसको एक साता अघि कार्तिक १५ बाट भारतमा केही शहरहरुमा चलचित्र प्रदर्शन गरिने निर्माण टिमले जनाएको छ ।

चलचित्रमा यशराज र फिजाका अलवा ऋचा थापा, गोपाल ढकाल (छन्दे), करुणा श्रेष्ठ, निराजन मेहता, पिटी योल्मा, प्रमिला राई, सल्देन तामाङलगायतका कलाकारको पनि अभिनय रहेको छ । चलचित्रमा शिब ढकालले छायाँकन, कमल राईको कोरियोग्राफी र एनबी महर्जनको द्धन्द्ध निर्देशन छ ।