‘लभ यु हमेशा’को ट्रेलर सार्वजनिक

लेन्सनेपाल २०७६ कार्तिक १

चलचित्र ‘लभ यु हमेशा’को ट्रेलर सार्वजनिक गरिएको छ । त्रिकोणात्मक प्रेमकथाको चलचित्रको ट्रेलरमा अभिनेता यशराज र अभिनेत्रीद्वय फिजा योन्जन र ऋचा थापाबीचको प्रेम र त्यसमा आउने आरोह–अबरोह प्रस्तुत गरिएको छ ।

धर्मा क्रियशनको ब्यानरमा यवन गुरुङको निर्माण र मिलन गुरुङ सहनिर्माता रहेको चलचित्र कार्तिक २२ गतेबाट प्रदर्शन हुँदैछ । त्यसको एक साता अघि कार्तिक १५ बाट भारतमा केही शहरहरुमा चलचित्र प्रदर्शन गरिने निर्माण टिमले जनाएको छ । भाष्कर प्रधान भासुले निर्देशन गरेको चलचित्रलाई उनैले लेखेका हुन् ।

चलचित्रमा यशराज र फिजाका अलवा ऋचा थापा, गोपाल ढकाल, करुणा श्रेष्ठ, निराजन मेहता, पिटी योल्मा, प्रमिला राई, सल्देन तामाङलगायतका कलाकारको पनि अभिनय रहेको छ । चलचित्रमा शिब ढकालले छायाँकन, कमल राईको कोरियोग्राफी र एनबी महर्जनको द्धन्द्ध निर्देशन छ ।