‘म यस्तो गीत गाउँछु २’को दोस्रो गीत सार्वजनिक

लेन्सनेपाल २०७६ पौष २६

चलचित्र ‘म यस्तो गीत गाउँछु २’को दोस्रो गीत सार्वजनिक गरिएको छ । सार्वजनिक गरिएको ‘दुखको काँडा’ बोलको गीतमा देवल भण्डारीको शब्द, अर्जुन पोखरेलको संगीत र सनिश श्रेष्ठको स्वर रहेको छ । सनिश ‘द भ्वाइस अफ नेपाल – सिजन २’का फाइनल प्रतिष्पर्धी हुन् । गीतमा चलचित्रका मुख्य कलाकार पल शाह र पुजा शर्मालाई फिचर गरिएको छ ।

सुदर्शन थापाले निर्देशन गरेको चलचित्रमा पुजा र पलसँगै हरिहर शर्मा, दिनेश डिसी, राजा राजेन्द्र पोखरेल, गणेश गिरी, सोनीका रोकायलगायतका कलाकारको अभिनय रहेको छ । चलचित्रमा शिवम अधिकारी र दिनेश न्यौपानेको पटकथा, सौरभ लामाको छायाँकन, सुदर्शन थापाको कथा, रामजी लामिछानेको कोरियोग्राफी, अर्जुन पोखरेलको संगीत र बनिश शाह र मिलन श्रेष्ठको सम्पादन छ ।

फागुन २३ गतेबाट प्रदर्शन हुने चलचित्रलाई पुजा शर्मा र सुदर्शन थापाले निर्माण गरेका हुन् । चलचित्रका सह निर्माता जन्मजय सपाङ राई हुन् ।