कस्तुप पन्तको गीत ‘मगमग बासना’ सार्वजनिक

लेन्सनेपाल २०८१ असोज ७

चर्चित सर्जक कस्तुप पन्तको लोकदोहोरी गीत ‘मगमग बासना’ सार्वजनिक गरिएको छ । सार्वजनिक गीतमा पन्तको शब्द तथा संगीत र बद्री पंगेनी र रचना रिमालको स्वर रहेको छ ।

बिभिन्न बिधाका गीत रचनामा आफुलाई उत्कृष्ट सावित गरेका श्रष्टा पन्तले यसपटक रोमान्टिक शैलीको गीत तयार पारेका हुन् । भावनाको गहिराईमा पुगेर गीतरुपी शब्दको सुन्दर माला बुन्न सफल पन्तले यो गीतमा माया प्रेमबाटै अनन्त यात्रा हुनसक्ने भाव ब्यक्त गरेका छन् ।

प्रशान्त मगरको कोरियोग्राफी तथा निर्देशन रहेको गीतको भिडियोमा दिनेश पराजुलीको छायांकन र दीपक विष्टको सम्पादन छ । पन्तकै अफिसियल युट्युब च्यानलबाट सार्वजनिक गरिएको गीतमा जुना विश्वकर्मालगायतका कलाकारको अभिनय रहेको छ ।