चलचित्र विकास बोर्डको सदस्यमा महर्जन र दाहाल नियुक्त

लेन्सनेपाल २०७५ मंसिर १२

चलचित्र विकास बोर्डको सदस्यमा नरेन्द्र महर्जन र दयाराम दाहाल नियुक्त भएका छन । बुधबार संचारमन्त्री गोकुलप्रसाद बास्कोटाले मन्त्रीस्तरीय निर्णय गर्दै उनीहरुलाई सदस्यमा नियुक्त गरेका हुन ।

२ दशक बढी समय चलचित्र क्षेत्रमा बिताएका महर्जन यसअघि पनि बोर्डको सदस्य रहेका थिए । उनी चलचित्र निर्माण, वितरण र प्रदर्शन पेशामा आवद्ध छन् । लेन्स नेपालको रेकर्ड अनुसार महर्जनको नाममा ८ चलचित्र निर्माणको क्रेडिट छ ।

Narendra Maharjan

Know more about 'Narendra Maharjan'

यस्तै सन् १९८८ को चलचित्र लाहुरेमा सहायक निर्देशकको रुपमा काम गरि निर्देशन यात्रा अघि बढाएका दाहल कुशल निर्देशक, लेखक तथा गीतकारका रुपमा परिचित छन् । लेन्स नेपालको रेकर्ड अनुसार दाहालको नाममा ६१ चलचित्रको क्रेडिट छ ।