शुक्रबारबाट चलचित्र ‘मैले आई लभ यू भन्नै सकिनँ’

लेन्सनेपाल २०७८ चैत्र २१

आगामी शुक्रबारबाट चलचित्र ‘मैले आई लभ यू भन्नै सकिनँ’ प्रदर्शनमा आउने भएको छ । सोमवार आयोजित एक कार्यक्रमका बिच चलचित्रको गीत र ट्रेलर सार्वजनिक गर्दै चलचित्र प्रदर्शनको घोषणा गरिएको हो ।

ट्रेलरमा एक्सनलाई प्राथमिकता दिइएको छ भने ‘मुस्ताङको बजार’ बोलको गीतमा राजेश पायल राई र मेलिना राईको स्वर रहेको छ । गीतमा दीपक रमनको शब्द तथा संगीत छ । गीतमा चलचित्रका कलाकारहरु सुजन नेपाल, सुरवीर पण्डित, राजाराम पौडेल, बुद्धि तामाङ, अञ्जली अधिकारी, सुनिल भुषाल, जयनन्द लामा, सुरज कार्की, सुभाष नेपाली लगायतको नृत्य रहेको छ ।

गाउँमा लाग्ने मेलाको सेटअपमा खिचिएको गीतका कोरियोग्राफर कविराज गहतराज हुन् । शंकर कार्की र बाबु जिम्बाको संयुक्त निर्देशनमा तयार भएको चलचित्रको असिस्टेन्ट निर्देशकमा प्रणव सुवेदी छन् । शंकर कार्कीको कथा, वीर मास्टरको द्वन्द्व, आशिया जिम्बा र सुशील डांगीको छायांकन रहेको चलचित्रमा आशिष जिम्बाको सम्पादन रहेको छ ।