‘मेरो डान्स कप’ र ‘मेरो भ्वाइस कप’को घोषणा

लेन्सनेपाल २०७६ पौष १८

‘मेरो डान्स कप’ को चौथो सिजन र ‘मेरो भ्वाइस कप’ को दोस्रो सिजनको औपचारिक घोषणा गरिएको छ । राजधानीमा आयोजित एक कार्यक्रमका बिच ‘मेरो डान्स कप’ मा अभिनेत्री केकी अधिकारी र ‘मेरो भ्वाइस कप’ मा गायक प्रमोद खरेल निर्णायकको रुपमा रहने जानकारी दिइएको छ । दुबै प्रतियोगिताका विजेताले टोयोटा कार र १० तोला सुन प्राप्त गर्नेछन् ।

त्यस्तै, दोस्रो हुने विजेताले गोल्डेन कपसँगै आकर्षक उपहार पाउनेछन् भने तेस्रो हुनेले एउटा सिल्भर कप र आकर्षक उपहारहरु पाउने आयोजक मध्येकी एक अभिनेत्री रिमा विश्वकर्माले जानकारी दिएकी छिन ।

दुबै प्रतिष्पर्धाको अमेरिकाको ओहोयास्थिति एक्रोनमा जनवरी ४ तारिखमा ग्रान्ड ओपनिङ हुने छ । उद्घाटन कार्यक्रममा सन्दीप क्षेत्री, बाबु बोगटी, दीलिप रायमाझी, सुशील क्षेत्री, सारंगा श्रेष्ठ, मेलिना मानन्धर, अरुणिमा लम्साल, शिव परियार, अञ्जु पन्तलगायतका कलाकारहरुको उपस्थिति रहने जनाइएको छ । ‘इन्टरनेशनल होम केयर’ का सञ्चालक डिल्ली अधिकारीको आयोजनामा ‘मेरो डान्स कप’ र ‘मेरो भ्वाइस कप’ हुन लागेको हो ।