मिलाप फाउण्डेशनद्वारा शैक्षिक सामग्री वितरण

लेन्सनेपाल २०७८ भाद्र १२

‘गरे के असम्भव, एक सामाजिक अभियान’ भन्ने मूल नारासहित सामाजिक कार्य गर्दै आएको मिलाप फाउण्डेशनले बिद्यार्थीहरुलाई शैक्षिक सामग्री हस्तान्तरण गरेको छ । फाउण्डेशनले शनिबार ललितपुरको गोदावरी–१० चापागाउँमा रहेको श्री उदयखर्क माध्यमिक विद्यालयका विद्यार्थीलाई शैक्षिक सामग्री हस्तान्तरण गरेको हो ।

फाउण्डेशशनले स्कुलका ६० जना विद्यार्थीलाई ब्याग, कपि पेन्सिल, मास्कलगायतका सामग्री वितरण गरेको हो । शैक्षिक सामाग्री वितरणका लागि राष्ट्रखबर र कार्यक्रम व्यवस्थापन संघ काठमाडौंले सहकार्य गरेका थिए ।

सो अवसरमा फाउण्डेशनकी अध्यक्ष गीता अधिकारीले विशुद्ध सामाजिक सेवाको भावनाले मिलाप फाउण्डेशनले यो कार्य गरेको बताइन । विगतमा पनि स्वास्थ्य शिविर तथा शैक्षिक सामाग्री वितरणलगायत अन्य सामाजिक कार्यगर्दै आएको बताउँदै अधिकारीले शैक्षिक सामाग्री हस्तान्तरण कार्यक्रममा साथ सहयोग पु¥याउने सबैलाई धन्यावाद दिइन ।