यस्तो छ इन्टु मिन्टु लण्डनमाको तेस्रो गीत

लेन्सनेपाल २०७५ भाद्र २०

चलचित्र इन्टु मिन्टु लण्डनमा को तेस्रो गीत सार्वजनिक भएको छ । राजधानीमा आयोजित एक कार्यक्रमका बीच जुरायो... बोलको गीत सार्वजनिक गरिएको हो । सार्वजनिक गरिएको गीतमा बसन्त सापकोटाको शब्द तथा संगीत रहेको छ भने राजेश पायल रार्इ र मेलिना रार्इले स्वर दिएका छन् ।

साम्राज्ञी राज्यलक्ष्मी शाह र सारुक ताम्राकारलाई फिचर गरिएको भिडियोको मेकिङ क्वालिटी उच्च देखिएको छ । गीतले बिबाहको माहोललाई देखाउन खोजेको छ । मेकिङ क्वालिटी उच्च बनाउन सेट देखि पहिरनमा समेत ध्यान दिइएको देखिन्छ । चलचित्रमा धिरज मगरको पनि प्रमुख भूमिका छ । धिरजको यो डेव्यु फिल्म हो ।

प्रज्ज्वल समशेर जबरा र प्रभु समशेर जबराको निर्माण रहेको चलचित्रलाई रेनाशा बान्तवा रार्इले निर्देशन गरेकी हुन् ।