चलचित्र ‘म’को छायाँकन सुरु

लेन्सनेपाल २०७६ भाद्र १६
चलचित्र ‘म’को छायाँकन सुरु

चलचित्र ‘म’ को छायाँकन सुरु भएको छ । आईतबार ललितपुरको गोदावारीमा अभिनेत्रि सरिता लामीछाने र डेब्यु नायक सन्जोग रसाईलीको शट लिँदै छायाँकन सुरु गरीएको हो ।

चलचित्रमा विजय लामा, रेवती क्षेत्री, कुसुम गुरुङ्ग, रेवीका गुरुङ्ग, अनिल कंडेल, रामबाबु रेग्मी, सुन्दर धिताल, पवन भट्टराई लगायतका कलाकारको पनि अभिनय रहेको छ । 

कान्तिपुर फिल्म एकेडेमीको निर्माण रहेको चलचित्रलाई परिच्छेद सेनले निर्देशन गरिरहेका छन् । धेरै राष्ट्रिय तथा अन्तराष्ट्रिय फिल्म फेस्टिवलहरुमा अवार्ड जित्न सफल लघु चलचित्रहरु बनाएका सेनले यसै चलचित्रबाट निर्देशनमा डेब्यू गरेका हुन् । उनले यसअघि दर्जनौँ फिचर चलचित्रहरुमा मूख्य सहायक निर्देशन समेत गरेका थिए ।

निर्देशक परिच्छेद सेनसँगै ‘म’का सिनेम्याटोग्राफर तेन्जीन पाल्देन, एडिटर सुवीज्ञ सुन्दर श्रेष्ठ लगायत अधिकांश कलाकार र टेक्निसीयनहरु एकेडेमीबाटै चलचित्र अध्ययन गरिरहेका बिद्यार्थीहरु छन् । यही बर्षको अन्त्य तिर प्रदर्शन गर्ने लक्ष्य राखीएको चलचित्रलाई पदम पुरीले निर्माणमा सहयोग गर्दैछन् ।