चलचित्र ‘प्रसाद’ को ट्रेलर सार्वजनिक
चलचित्र ‘प्रसाद’ को अफिसियल ट्रेलर सार्वजनिक गरिएको छ । चलचित्रको ट्रेलर शुक्रवार नेपाल आइडलमार्फत् सार्वजनिक गरिएको हो । कार्यक्रममा निर्देशक दिनेश राउत र अभिनेता निश्चल बस्नेत सहभागी थिए । कार्यक्रममा बोल्दै निर्देशक राउतले निःसन्तान दम्पतिको बिचमा उत्पन्न हुने समस्याहरु चलचित्रले देखाएको बताएका छन् ।
सार्वजनिक गरिएको ट्रेलरमा विपिन कार्की र नम्रता श्रेष्ठ निःसन्तान दम्पतिको रुपमा देखिएका छन् । दम्पति बिचको प्रेम, त्याग, समर्पण अनि निःसन्तानका कारण उत्पन्न मानसिक द्वन्द्वमा ट्रेलर केन्द्रित देखिन्छ । ट्रेलरकै आधारमा भन्ने हो भने निश्चल विपिन र नम्रताको प्रेममा भिलेन बनेका छन् ।
चलचित्रलाई सुशील पौडेलले लेखेका हुन् । सुभाष थापा प्रोडक्सनको ब्यानरमा बनेको चलचित्रमा राजेश श्रेष्ठको छायाँकन, लोकेश बज्रचार्यको सम्पादन, शिव बि.क.को कोरियोग्राफि, हिमाल केसीको द्वन्द्व र सुवास भुषालको संगीत रहेको छ । विकास सुवेदी एसोसियट निर्देशक हुन ।
मंसिर २१ गतेबाट प्रदर्शन हुने चलचित्रलाई सुभाष थापाले निर्माण गरेका हुन । चलचित्रलाई उज्जवल पौडेल, मनोज राठी र गोविन्द शाही वितरण गर्दैछन् ।
Latest Updates
New Releases (Chaitra 30)
-
Degree Maila M.A. 3rd Class
Director : Ram Babu Gurung
Casts : Dayahang Rai, Aanchal Sharma, Maotse Gurung, Prakash Ghimire, Buddhi Tamang -
The Red Suitcase
Director : Fidel Devkota
Casts : Saugat Malla, Shristi Shrestha, Bipin Karki, Prabin Khatiwada