रिलिज डेट तय गर्दै चलचित्र ‘साँइली’को पोस्टर सार्वजनिक

लेन्सनेपाल २०७५ कार्तिक ३०

चलचित्र ‘साँइली’को फस्टलुक पोस्टर सार्वजनिक गरिएको छ । चैत्र १५ गतेलाई रिलिज डेट तय गर्दै रामबाबु गुरुङको लेखन तथा निर्देशन रहेको चलचित्रको पोष्टर सार्वजनिक गरिएको हो ।

सन् २०१७ को शुरुमै सार्वजनिक भएको संगीतकार कालिप्रसाद बासकोटाको गीत साईली निकै चर्चित भएपछि यसका गायक हेमन्त राना र भिडियोमा अभिनय गरेका कलाकार गौरब पहारीले साइली नामको चलचित्र निर्माण गरेका हुन । जिएच इन्टरटेनमेन्टको व्यानरमा निर्माण भएको चलचित्रमा गौरव पहारी, मेनुका प्रधान, दयाहाङ राई, केनिपा सिंह, माओत्से गुरुङ, प्रकाश घिमिरे, अरुण कार्कीलगायतका कलाकारको अभिनय रहेको छ ।

चलचित्रमा विशाल गुरुङ र मोहन राना मगर निर्माता, बिजय अवाले, विकाश पुजास, सुवेच्छा केसी सहनिर्माता र मणिराज पोखरेल कार्यकारी निर्माता रहेका छन् । यस्तै काली प्रसाद बास्कोटा र सुशान्त गौतमको संगीत, शैलेन्द्र डि कार्कीको छायाँकन र निमेष श्रेष्ठको सम्पादन रहेको छ ।