मिस वर्ल्डको टप ३० मा नम्रता श्रेष्ठ

लेन्सनेपाल २०७८ मंसिर २५

नेपालको प्रतिनिधित्व गर्दै मिस वर्ल्डमा सहभागी नम्रता श्रेष्ठ प्रतियोगिताको अन्तिम ३० मा प्रवेश गरेकी छन् । उनले हेड–टु–हेड च्यालेञ्जमा इन्डोनेसियाकी सुन्दरीलाई पछि पार्दै उनले ३० मा आफ्नो स्थान बनाएकी हुन् । मिस नेपाल वल्र्डको उपाधि जितेपछि उनले मिस वल्र्डमा सहभागी अवसर पाएकी हुन् ।

अन्तिम ३० मा नेपाल सहित पाराग्वे, क्यामरुन र फिलिपिन्सलगायतका प्रतियोगी प्रवेश गरेका छन् । प्रतियोगितामा नेपालले ब्यूटी विथ पर्पस र मल्टिमिडिया विधामा बिगतका झै उपलब्धि हासिल गर्ने अपेक्षा गरिएको छ ।

अमेरिकी राज्य पुएर्तो रिकोमा भइरहेको मिस वर्ल्ड प्रतियोगिताको अन्तिम स्पर्धा डिसेम्बर १६ मा आयोजना हुँदैछ ।