‘नांगो गाउँ’को ट्रेलर सार्वजनिक

लेन्सनेपाल २०८० भाद्र ४

चलचित्र ‘नांगो गाउँ’को ट्रेलर सार्वजनिक गरिएको छ । ट्रेलरमा दुई उम्मेदवारको राजनीतिक दाउपेचको कथा प्रस्तुत गरिएको छ । भदौ २९ गतेबाट प्रदर्शन हुने चलचित्रले राजनीतिले परिवार र पात्रको सम्बन्धमा ल्याउने उतारचढावको कथावस्तु भन्ने बुझिएको छ ।

दिपेन्द्र लामाको लेखन तथा निर्देशन रहेको चलचित्रमा दयाहाङ राई, शिशिर वाङ्गदेल, कार्म, मिरुना मगर, साम्राज्ञी राज्यलक्ष्मी शाह, वुद्दि तामाङ, रविन्द्र झा, विशाल पहारी, राज थापा, कमलमणि नेपाल, अंकित खड्का, निमा पाण्डे, पुष्कर गुरुङ लगायतका कलाकारको अभिनय छ ।

क्लक वर्क क्रियशनको ब्यानरमा बनेको चलचित्रमा जय श्रेष्ठको लगानी छ । हिमाल शर्माको प्रस्तुति रहेको चलचित्रका कार्यकारी निर्माता रामहरि श्रेष्ठ हुन् ।