![Khusma](https://www.lensnepal.com/files/adds/khusma.png)
![Devi](https://www.lensnepal.com/files/adds/devi.jpg)
![Rawayan](https://www.lensnepal.com/files/adds/rawayan.jpg)
‘नीरफूल’ को पहिलो गीत सार्वजनिक
![‘नीरफूल’ को पहिलो गीत सार्वजनिक](https://www.lensnepal.com/files/news/neerphool-song-released.jpg)
चलचित्र ‘नीरफूल’ को पहिलो गीत सार्वजनिक गरिएको छ । सार्वजनिक ‘तिमी बदनामी’ बोलको गीतमा निर्देशक फूलमान वलको शब्द, अर्जुन पोखरेलको संगीत, दुर्गा खरेलको स्वर र राजेन्द्र राजबहाकको कोरियोग्राफी रहेको छ ।
गीतमा कुनै एक डान्स बारमा अभिनेत्री रेखा थापाले गीत गाएको दृश्य प्रस्तुत गरिएको छ । फूmमान वल निर्देशित चलचित्रमा दयाहाङ राई, शान्ति वाइबा, बुद्धि तामाङ, पुष्कर गुरुङ, जिम्मे छ्योइकी घिसिङ, राजन खतिवडा, सरोज अर्याल, सरिता गिरीलगायतका कलाकारको अभिनय रहेको छ । गणेश हिमाल क्षेत्रमा पर्ने रुबी भ्याली र काठमाडौंमा छायाँकन गरिएको चलचित्रमा अभिनेत्री रेखा थापा विशेष भुमिकामा छिन् ।
भुकम्पका कारण विछोडिएका एक परिवारको प्रेमकथामा आधारित चलचित्रमा अभिनेत्री शान्ति वाइवा भूकम्पपछि जीवन यापनका लागि डान्सबारमा काम गर्न बाध्य भएको दृश्य गीतमा समावेश गरिएको निर्देशक वलले जानकारी दिए ।
चलचित्रमा निर्देशक वल र सचिन घिमिरेको पटकथा, प्रमोद कार्कीको छायाँकन, अर्जुन पोखरेलको संगीत र निमेष श्रेष्ठको सम्पादन रहेको छ । निर्देशक वलले चलचित्रले धादिङ रुबी भ्यालीको एउटा परिवारमार्फत भुकम्पको बेलाको मानवीय संघर्ष र आम मनोविज्ञान पस्किन खोजेको बताए । अहिलेसम्म बाहिर आउन नसकेको रुबी भ्याली क्षेत्रको भूगोल र संस्कृति चलचित्रमा बोनसको रुपमा हुने उनको दावी छ ।
फ्रेण्ड्स अफ नेपाल–म्यान्मार फ्रेन्डसिप काउन्सिलसितको सहकार्यमा सेलो प्रोडक्शनले निर्माण गरिरहेको चलचित्रका कार्यकारी निर्माता डोमा सोनाम हुन् । यस्तै निर्माताको रुपमा कतारबाट माया केसी, बेलायतबाट दिपक श्रेष्ठ, इजरायलबाट चन्द्रमाया तामाङ, जापानबाट उदय लामा, अमेरिकाबाट रोज लामा, कोरियाबाट दिनेश लम्तरी मगर र नेपालबाट दिजेश श्रेष्ठ, तेन्जिन सोनाम लामा, गणेश थापा, अशोक थापा र विके श्रेष्ठलगायत छन् ।
चलचित्र फागुन ३० गतेबाट प्रदर्शनमा आउने छ ।
Latest Updates
-
-
-
चलचित्र ‘कार्साङ्’को फर्स्टलुक पोस्टर सँगै प्रदर्शन मिति सार्वजनिक
-
-
बलात्कारका घटना न्युनिकरणमा ‘देवी’ बहसको बिषय बनोस् – शिल्पा मास्के
-
New Releases (Ashad 7)
-
Daanvi
Director : Rupesh Tamang
Casts : Puja Sharma, Kunsang Bomjan, Monalisa Khatiwada, Rajaram Poudyal, Kalu Rana