सुर्य ईन्टरनेशनल अवार्ड सम्पन्न : अनमोल र साम्राज्ञी उत्कृष्ट, पल र पुजा पपुलर

सुर्य ईन्टरनेशनल अवार्ड २०१८ सम्पन्न भएको छ । जापानको टोकियो स्थित नाकानो जिरो हलमा सम्पन्न अवार्ड समारोहमा कुल १६ बिधामा अवार्ड प्रदान गरिएको छ । यसअघि १२ बिधामा मात्र अवार्ड वितरण गर्ने भनिएको भएपनि एकाएक ४ बिधा थप गरि १६ बिधामा अवार्ड वितरण गरिएको हो ।

अवार्ड समारोहमा पहिलो हाँस्य अभिनेत्री बसुन्धरा भुषाललाई लाईफ टाईम अचिभमेन्ट अवार्ड २०१८ अर्पण गरिएको छ भने अभिनेता भुवन केसीलाई सुर्य कलाकरिता सम्मान २०१८ अर्पण गरियो । यस्तै पत्रकार समिप्यराज तिमल्सेनालाई नगद २५ हजार जापानिज येन सहित सुर्य चलचित्र पत्रकारिता २०१८ बाट पुरस्कृत गरिएको छ भने फोटो पत्रकार श्रीधर पौडेललाई पनि नगद १५ हजार सहित फोटो पत्रकारिता पुरस्कृत प्रदान गरिएको छ ।

पूर्व निर्धारित ६ बिधामा ४ बिधा थप गरि चलचित्रका तर्फ १० र संगीततर्फ ६ बिधामा अवार्ड प्रदान गरियो । थप गरिएको मास पपुलर तर्फको ४ बिधामा अनमोल केसी र साम्राज्ञी राज्यलक्ष्मी शाह उत्कृष्ट नायक नायिका घोषित भए भने शत्रुगतेबाट प्रदिप भट्टराई उत्कृष्ट निर्देशक र छक्का पञ्जा २ उत्कृष्ट चलचित्र घोषित भएका छन् ।

यस्तै पूर्व निर्धारित पपुलर ६ बिधा तर्फ भने म यस्तो गीत गाउँछु बाट पल शाह र पुजा शर्मा पपुलर नायक, नायिका घोषित भएका छन् । यस्तै सोही फिल्म पपुलर र यसैका निर्देशक सुदर्शन थापा पपुलर निर्देशक घोषित भए ।

पपुलर तर्फको अवार्ड भोटका आधारमा प्रदान गरिएको जनाइएको छ भने उत्कृष्ट तर्फको अवार्ड आयोजक टिमको निर्णयका आधारमा प्रदान गरिएको बताइएको छ ।

यस्तो छ विजेताको विवरण

मास पपुलर तर्फ

सूर्य बेष्ट एक्टर : अनमोल केसी : कृ
सूर्य बेष्ट एक्ट्रेस : साम्राज्ञी राज्य लक्ष्मी शाह : ए मेरो हजुर २
सूर्य बेष्ट टिम डाईरेक्टर : शत्रु गते : प्रदीप भट्टराई
सूर्य बेष्ट फिल्म : छक्का पञ्जा – २

पपुलर ६ बिधा तर्फ
बेष्ट पपुलर एक्टर अफ दि ईयर : पल शाह : म यस्तो गीत गाउँछु
बेष्ट पपुलर एक्टर अफ दि ईयर : पूजा शर्मा : म यस्तो गीत गाउँछु
बेष्ट पपुलर फिल्म अफ दि ईयर : म यस्तो गीत गाउँछु
बेष्ट डिरेक्टर पपुलर अफ दि ईयर : सुर्दशन थापा म यस्तो गीत गाउँछु
सपोर्टिङ एक्टर फिमेल : बर्षा राउत छक्का पञ्जा- २
सपोर्टिङ एक्टर मेल : प्रशान्त ताम्राकार : ऐश्वर्य
पप सिंगर मेल : कमल खत्री
पप सिंगर फिमेल : ईन्दिरा जोशी
मोर्डन सिंगर फिमेल : मेलिना राई
मोर्डन सिंगर मेल : राजेश पायल राई
उत्कृष्ट लोक गायिका : सम्झना लामिछाने
उत्कृष्ट लोक गायक : रामजी खाँड