मंसिर १२ गते राष्ट्रिय चलचित्र पुरस्कार, सरकारी सञ्चारमाध्यममा चलचित्रको निशुल्क प्रचार !

लेन्सनेपाल २०८१ मंसिर ५

चलचित्र विकास बोर्डले मंसिर १२ गते राष्ट्रिय चलचित्र पुरस्कार आयोजना गर्ने अध्यक्ष डीसीले जनाएका छन् । बुधबार बोर्डमा आयोजित कार्यक्रमलाई सम्बोधन गर्दै डिसीले राष्ट्रिय चलचित्र पुरस्कार २०८० को आयोजना बारे जानकारी दिएका हुन् ।

बोर्ड अध्यक्ष बनेपछि छोटो समयमा नै बिभिन्न कामहरु गरेर प्रसंसा पाइरहेका डिसीले अब ड्रोन सञ्चालन तथा प्रयोगको लाइसेन्स बोर्डबाट प्रदान गरिने एकद्वार नीति बनाउन लागिएको पनि जनाएका छन् ।

नेपाली चलचित्रको प्रवद्र्धनमा राज्यको भूमिका महशुस गरेका डिसीले प्रचारका लागि सरकारी सञ्चार माध्यमहरु रेडियो नेपाल, नेपाल टेलिभिजन, राष्ट्रिय समाचार समिति र गोरखापत्रमा निशुल्क रुपमा कन्टेन्ट र कार्यक्रम प्रकाशन र प्रसारणको व्यवस्था गर्न लागिएको समेत बताएका छन् ।