राजधानीमा थपियो नर्थ सिनेमाज

लेन्सनेपाल २०७६ कार्तिक २

पछिल्लो समय सुबिधासम्पन्न मल्टिप्लेक्स हलहरु सञ्चालन हुने क्रम बढेको छ । यसै बिच राजधानीको गोंगबु चोकमा पनि नयाँ मल्टिप्लेक्स सञ्चालनमा आएको छ । गोंगबुमा रहेको कर्माचार्य कम्पेक्समा शुक्रबारदेखि नर्थ सिनेमाज (आइएनआइ) संचालनमा आएको हो ।

दुई पर्दा रहेको हलमा कुल ३ सय ३५ सिट क्षमता रहेको छ । हल वानमा १ सय ८१ र हल टुमा १ सय ५४ सिट क्षमता छ । हल व्यवस्थापकले नेपाल मै पहिलो पटक जिडिसी सर्भर जोडिएको जनाएको छ । हलमा टुडी र थ्रीडी सिस्टम छ ।

शुक्रबार हलको ओपनिङमा शोमा हलिउड चलचित्र ‘मेलफिसेन्टस् मिस्टरेस अफ इभिल’ प्रदर्शन गरिएको छ ।