नायक पल शाह विरुद्ध नवलपरासीमा पनि जबरजस्ती करणी सम्बन्धी उजुरी

लेन्सनेपाल २०७८ फागुन १५

नायक पल शाहविरुद्ध नवलपरासीमा पनि जबरजस्ती करणी सम्बन्धी उजुरी परेको छ । यसअघि जिल्ला प्रहरी कार्यालय तनहुँमा उजुरी दिएका नाबालिकाका बुबाले नै इलाका प्रहरी कार्यलय गैडाकोटमा उजुरी दिएका हुन् ।

मुद्दा बलियो बनाउनका लागि बारदात भएको अर्को स्थानमा पनि जाहेरी दर्ता गरिएको बुझिएको छ । नाबालिकाको तर्फबाट उनका बुवाले जाहेरीमा हस्ताक्षर गरेका छन् ।

पीडितले प्रहरीसमक्ष दिएको जाहेरीमा पलले ०७७ चैत ७ गते गैँडाकोट रिसोर्टमा पटकपटक जबर्जस्ती करणी गरेको आरोप छ। बुधबार आफु बिरुद्ध उजुरी परेपछि फरार रहेका शाहले आज तनहुँ प्रहरी समक्ष आत्मसर्मपण गरेका छन् ।