‘पोइ पर्‍यो काले’को शीर्ष गीत सार्वजनिक

लेन्सनेपाल २०७६ भाद्र २२
‘पोइ पर्‍यो काले’को शीर्ष गीत सार्वजनिक

चलचित्र ‘पोइ पर्‍यो काले’को शीर्ष गीत सार्वजनिक गरिएको छ । सार्वजनिक गीतमा नृपेश उप्रेतिको शब्द, अर्जुन पोखरेलको संगीत, रामचन्द्र काफ्ले र अञ्जु पन्तको स्वर र रामजी लामिछानेको कोरियोग्राफी रहेको छ ।

गीतमा कलाकारहरु सौगात मल्ल, आकाश श्रेष्ठ, सोहित मानन्धरको साथमा नायिकाद्धय पूजा शर्मा र श्रृष्टी श्रेष्ठले कम्मर मर्काएका छन् भने भने सुरक्षा पन्त अतिथि भूमिकामा देखिएकी छिन ।

शिशिर राणाको निर्देशन रहेको चलचित्रमा बिन्दा खतिवडा, राजाराम पौडेल, राजेन्द्र नेपाली, गोपाल ढकाल ‘छन्दे’ र निर्देशक राणा स्वयम्को पनि अभिनय रहेको छ ।

चलचित्रका निर्माता दीपक मनाङे (राजीव गुरुङ), अमलादेबी राई, किरण नेपाली, रघु परियार, अर्जुन खनियाँ र देव तामाङ हुन् । कात्तिक ८ गते बाट चलचित्र प्रदर्शनमा आउने छ ।