Movie News

पल शाहलाई थप १२ दिन हिरासतमा राख्न अदालतले अनुमति

लेन्सनेपाल २०७८ फागुन २२

अभिनेता पल शाहलाई अनुसन्धानका लागि थप १२ दिन प्रहरी हिरासतमा राख्न अदालतले अनुमति दिएको छ ।

नाबालिगलाई बलात्कार गरेको आरोपमा उनी बिरुद्ध परेको उजुरी माथी अनुसन्धानका क्रममा यतिेबला शाह जिल्ला प्रहरी कार्यालय तनहुँको हिरासतमा छन् । प्रहरीले अनुसन्धान नसकिएको भन्दै म्याद थपका लागि जिल्ला अदालत तनहुँमा आइतबार पेस गरेको थियो ।

गत आइतबार तनहुँ प्रहरी समक्ष आत्मसर्मण गरेका शाहलाई हिरासतमा राखि अनुसन्धान गर्न पहिलो पटक सात दिनको म्याद थप दिएको अदालतले दोस्रो पटक १२ दिनको म्याद थप गरेको हो । अनुसन्धानको नसकिएको भन्दै प्रहरीले १२ दिनको म्याद थप गर्न आदालतमा आग्रह गरे अनुसार म्याद थपिएको हो ।

फागुन ११ गते बुधबार शाह बिरुद्ध जाहेरी परेपछि फरार रहेका उनले ५ दिनपछि आत्मसर्मपण गरेका थिए ।