फ्लप फिल्मका धनी प्रदिप खड्का

चकलेटी अनुहारका धनी प्रदिप खड्का । भनिन्छ प्रदिपको फ्यान फ्लोइङ्ग निकै लोभलाग्दो छ । उनी चल्तिका कलाकार पनि हुन । धेरैले सोच्छन् प्रदिपलाई लिएपछि चलचित्र हिट हुन्छ । नाफा नकमाए पनि घाटा बेहोर्नु पर्दैन । सायद यसैले होला मार्केटमा सुनिन्छ प्रदिपको पारिश्रमिक ४० लाख भनेर ।

यदि ४० लाख नै हो भने । यति मोटो पारिश्रमिक लिएर चलचित्र खेल्ने कलाकारको मार्केट भ्यालु चाँही के ? के उनलाई लिएपछि चलचित्र हिट हुन्छ त ? उनले चलचित्रलाई आफ्नो काधमा बोक्न सक्छन् कि सक्दैनन् ? यि प्रश्नको जवाफका लागि उनी अभिनित चलचित्रको बक्सअफिस रिपोर्ट बुझ्न जरुरी छ ।

Pradeep Khadka

Know more about 'Pradeep Khadka'

सन् २०१४ मा ‘ठूलो मान्छे’ नामको चलचित्र निर्माण गरेर यस क्षेत्रमा आएका प्रदिपले सन् २०१५ मा प्रदर्शन भएको चलचित्र ‘स्केप’ मार्फत अभिनयमा डेव्यु गरेका हुन । प्रदर्शन हुन बाँकी चलचित्रलाई छोडेर हेर्दा हालसम्म उनी अभिनित ५ चलचित्र प्रदर्शनमा आएका छन् । ‘स्केप’, ‘प्रेमगीत’, ‘प्रेमगीत २’, ‘लिलिबिलि’ र ‘रोज’ । यि मध्ये ‘प्रेम गीत २’ बाहेक अरु सबै चलचित्र फ्लप भए ।

प्रदिप आफैले निर्माण समेत गरेको चलचित्र हो स्केप । यो चलचित्रले न त उनको क्रेज बनायो न त पैसा कमायो । पहिलो चलचित्रमा गरेको लगानी माटोमै मिल्यो ।

Escape

Know more about Nepali Movie 'Escape'

स्केप पछि उनले चलचित्र प्रेमगीतमा अभिनय गरे । कुनै पनि चलचित्रबाट अफर नआएर अष्ट्रेलिया जानै लागेका प्रदिपलाई प्रेमगीतको अफरले स्वदेशमै रोक्यो । चलचित्रको गीत रिलिज सँगै प्रदिपले सम्भावना देखाए । उनको लुक्सको तारिफ भयो । बिडम्बना चलचित्रले लगानी उठाउन सकेन । प्रेमगति हिट भयो भन्ने हौवा फैलाइयो । प्रदिपलाई रातारात स्टारको उपमा समेत दिइयो । आइतबार बिहान पोखराबाट टेलिफोन सम्बादमा निर्माता सन्तोष सेनले प्रेमगीतबाट आफु घाटामा रहेको जनाए । उनले प्रेमगीतले लगानी उठाउन नसकेको बताए । यसअर्थ यो प्रदिपको दोस्रो फ्लप चलचित्र सावित भयो ।

Prem Geet

Know more about Nepali Movie 'Prem Geet'

प्रदिपको तेस्रो चलचित्र हो, प्रेमगीत २ । प्रेमगीतबाट प्रदिपको तारिफ भएपछि सन्तोष सेनले त्यसको दोस्रो सिरिज प्रेमगीत २ मा पनि उनैलाई लिए । लामो समयको वर्कआउट पछि चलचित्रको छायाँकन थालियो । निर्माता सन्तोष सेनका अनुसार यो चलचित्र हिट भयो । चलचित्रले केही लाख कमायो । यसअर्थ यो चलचित्र प्रदिपको पहिलो हिट चलचित्र हो । यही नै उनको एकमात्र हिट चलचित्र ।

Prem Geet 2

Know more about Nepali Movie 'Prem Geet 2'

प्रदिपको चौथो चलचित्र लिलिविलि गत वर्षको अन्त्यमा प्रदर्शनमा आयो । यो चलचित्रबाट डेव्यु हिरोइन जसिता गुरुङको कामको निकै तारिफ भयो । जति जसिताको तारिफ भयो त्यति प्रदिपको हुन सकेन । बरु समग्रमा चलचित्रले केही अवार्डमा उत्कृष्ट चलचित्रको अवार्ड भने पायो । बक्स अफिसमा खासै कमाल देखाउन नसकेको यो चलचित्रलाई पनि हिट भनेर हल्ला गरियो । के लिलिबिलि हिट चलचित्र हो त हामीले यसबारे बुझ्न निर्माता मध्येका एक वितरक समेत रहेका गोविन्द शाहीलाई टेलिफोन गरेका थियौं । आइतबार बिहान ११ः१५ बजे शाहीको ९८५*****९४ नम्बरमा सम्पर्क गर्दा फोन उठेन । दिउसो यो समग्री तयार पार्दा सम्म पनि उनले कलव्याक गरेनन् । बरु केही दिन अघि निर्माता मध्येका एक तथा लिलिबिलिका निर्देशक मिलन चाम्सले स्पष्ट सँग यो चलचित्र घाटामा रहेको बताएका थिए । उनका अनुसार चलचित्रले लगानीसम्म रिकभर गर्न सकेन । यसअर्थ लिलिबिलि प्रदिप अभिनित तेस्रो फ्लप चलचित्र हो ।

Lily Bily

Know more about Nepali Movie 'Lily Bily'

अब प्रदिपको पाँचौ चलचित्रको कुरा गरौं । पाँचौ चलचित्र हो रोज । रोजको व्यवसायिक रिपोर्ट के कस्तो थियो सबैलाई थाहा नै छ । यसैवर्षको भदौंमा रिलिज भएको यो चलचित्रले त पानी समेत भन्न पाएन । रोजले फ्लप फिल्मको सुचिमा सुचिकृत हुनुबाहेक कुनै कमाल देखाउन सकेन । यसअर्थ यो प्रदिपको चौथो फ्लप चलचित्र हुन पुग्यो ।

Rose

Know more about Nepali Movie 'Rose'

आज सम्म प्रदिपका ५ चलचित्र प्रदर्शनमा आए । जसमध्ये ४ वटा असफल र एउटा मात्र सफल भयो । प्रतिशतकै आधारमा भन्ने हो भने ८० प्रतिशत चलचित्रले लगानी समेत उठाउन सकेनन् । ५ वटामा एउटा मात्र हिट फिल्म दिएका प्रदिप कसरी सफल कलाकार । अझै बजारमा प्रदिपको पारिश्रमिक ४० लाख भन्ने हल्ला छ । हामीले यसबारेमा बुझ्न प्रदिपलाई फोन गर्दा सम्पर्क हुन सकेन् । तत् पश्चात उनको ९८०*****८० नम्बरमा म्यासेज समेत पठायौं । (यही नम्बरमा यसअघि उनीसँग कुरा हुन्थ्यो ।) तर, यो सामग्री तयार पार्दासम्म पनि उनीसँग सम्पर्क हुन सकेन् । जसका कारण उनको धारणा समावेश गर्न सकिएन ।

यो पनि पढ्नुहोस्
प्रदिप र गोबिन्दले गरे अनाथ बालबालिकाको शिक्षामा सहयोग

प्रदिप मात्र होइन कोही कलाकारले आफ्ना कारण चलचित्रलाई व्यवसायिक रुपमा सफल बनाउछु भन्ने बिश्वास राख्छ भने मात्र मोटो रकम पारिश्रमिक माग गर्न सक्छ । तर, प्रदिपको हकमा उनकै कारण चलचित्र सफल भएको उदाहरण नै देखिएन । यसअर्थ निर्माताले उनका चलचित्रबाट लगानी रिकभर गर्न सक्दैनन् भने किन महङ्गो पारिश्रमिक दिने । निर्माताले पनि लाफ्नो लगानकिो सुरक्षा बारे सोच्नुपर्ने बेला आएन र !

यो पनि पढ्नुहोस्
प्रदीपलाई भेट्न ५ सय ७४ किलोमिटर दुरी, १२ घण्टाको यात्रा

यो पनि पढ्नुहोस्
‘प्रेमगीत ३’ मा राजकुमारको लभ स्टोरी