८० लाखमा ‘प्रकाश’को डिजिटल राइट्स बिक्रि

लेन्सनेपाल २०७८ मंसिर १७

चलचित्र ‘प्रकाश’को डिजिटल राइट्स बिक्रि भएको छ । डिएआर मुभिजले ८० लाख मुल्यमा चलचित्रको डिजिटल राइट्स खरिद गरेको निर्माता महेन्द्र अधिकारीले जानकारी दिएका छन् । बिहिबार निर्माता अधिकारी र डिएआर मुभिजका तर्फबाट संचालक श्याम धितालले डिजिटल राइट्स खरिद बिक्री सम्बन्धि सम्झौता पत्रमा हस्ताक्षर गरेका छन् ।

दिनेश राउतको निर्देशन रहेको ‘प्रकाश’ प्रतिक्षित चलचित्र हो । जुम्लाको परिवेशमा छायाँकन गरिएको चलचित्रमा प्रदिप खड्काको मुख्य भुमिका रहेको छ । प्रदिपका अलवा चलचित्रमा रेनु योगी, दीया मास्के, प्रकाश घिमिरे, पवित्रा खड्का, प्रशान्त श्रेष्ठ, निरज पन्थी, गोविन्द सुनुवार, रामबाबु रेग्मी, लोकेन्द्र लेखक, दीपेन्द्र शाही लगायतका कलाकारहरुको अभिनय रहेको छ ।

बिनिस इन्टरटेनमेन्टको व्यानरमा निर्माण भएको चलचित्रको डिजिटल राइट्स बिक्रिीसँगै यसलाई भारतमा पनि प्रदर्शनको तयारी थालएको छ । डिजिटल राइट्स खरिद गरेको डिएआर मुभिजले हिन्दी भाषामा डब गरेर भारतमा चलचित्रको प्रदर्शन गर्ने तयारी गरेको छ ।

विकास सुवेदीको कथा रहेको चलचित्रमा राजेश श्रेष्ठको छायाँकन, जिवन थापाको सम्पादन, दिपक शर्मा, तारा प्रकाश लिम्बु र एलिस कार्कीको संगीत र उत्तम न्यौपाने साउण्ड डिजाइन रहने छ ।

निर्माण टिमले आउने वर्षको बैशाखमा चलचित्र प्रदर्शन गर्ने लक्ष्य राखेको छ ।