चलचित्र निर्देशनमा कमब्याक गर्दै प्रकाश सायमी

प्रकाश सायमीले चलचित्र निर्देशनमा कमब्याक गर्ने भएका छन् । उनले स्वरसम्राट नारायण गोपालको जीवनीमा आधारित चलचित्र बनाउने घोषणा गरेका हुन् ।
पोखरामा आयोजित ‘स्वरसम्राट नारायण गोपाल’ पुस्तक सार्वजनिक समारोहमा सायमीले चलचित्र निर्माणको तयारी गरिरहेको जानकारी दिए । ‘स्वरसम्राट नारायण गोपाल’ पुस्तकका लेखक सायमीले यस पुस्तकमा समाबेश ९९ प्रतिशत विषय र प्रसंगहरु सत्य भएको समेत दाबी गरेका छन् । उनले यसै पुस्तकका आधारीत भई चलचित्र निर्माण हुने समेत बताए ।
सञ्चारकर्म र चलचित्र निर्देशनसँगै साहित्यीक क्षेत्रमा पनि सक्रिय सायमी नेपाली चलचित्र तथा संगीतका एक अध्येता समेत हुन् । उनले आफूले चलचित्र निर्देशन नछाडेको बरु केहि विश्राम लिएर पुनः फर्किन लागेको स्पष्ट पारे ।
यदी यो चलचित्र निर्माण भएमा २५ वर्षपछि चलचित्र निर्देशनमा सायमीको पुनरागमन हुनेछ । सन् १९९९ मा रिलिज भएको चलचित्र ‘हतियार’ पछि सायमीले चलचित्र निर्देशन गरेका छैनन् । उनले ‘पृथ्वी’, ‘सिमाना’, ‘अवतार’, ‘जमिन’, ‘रानीखोला’ र ‘हतियार’ गरि ६ वटा चलचित्र निर्देशन गरिसकेका छन् ।

Latest Updates
New Releases (Chaitra 15)
-
Dorii
Director : Arun Lama
Casts : Anjana Baraili, Prabin Khatiwada, Shishir Bangdel, Prakash Ghimire, Aaryan Sigdel
Next Releases (Chaitra 22)
-
Basanta
Director : Prakash Saput
Casts : Prakash Saput, Swastima Khadka, Khadga Bahadur Pun, Prabhat Pal, Shree Shivansi