‘ईश्वर’ मा यसअघिका भन्दा फरक भूमिकामा काम गरेको पृथ्वीराजको भनाई
चलचित्र ‘डोली’ रिलिजको झण्डै पाँच वर्षपछि नायक पृथ्वीराज प्रसाईं ‘ईश्वर’मार्फत दर्शकमाझ आउँदैछन् । साउन ११ गतेदेखि प्रदर्शन हुने राजु गिरी निर्देशित चलचित्रमा उनी ‘सागर’ पात्रको भूमिकामा छन् ।
‘सागर एक लभर ब्वाई हुन्छ । उसको बुवा नेगेटिभ क्यारेक्टरको भएकाले सुरुमा सागर पनि नेगेटिभ नै हुन्छ । तर पछि गएर ऊ पोजेटिभ क्यारेक्टरमा देखिन्छ’, पृथ्वीराज भन्छन्, ‘ईश्वर पारिवारिक कथाको चलचित्र हो । म सहरमा बसेर गाउँ फर्किएको युवकको भूमिकामा छु । गाउँमै रहँदा नायिका अनु शाहले निभाएको पात्रसँग मेरो प्रेम हुन्छ ।’
‘ईश्वर’मा काम गर्दा आफूलाई ‘ठीकै’ अनुभव भएको पृथ्वीराजको बुझाई छ । ‘यसअघिका चलचित्रमा जति मेहनत गर्नु परेको थियो, यो चलचित्रमा त्यति धेरै मेहनत गर्नु परेन’, उनी भन्छन् ।
अनुसँग पृथ्वीराजले केही भिडियोमा सहकार्य गरेका छन् । तर चलचित्रमा चाहिँ ‘ईश्वर’ पहिलो हो । ‘भिडियोमा अनुसँग सहकार्य गरेकाले पनि यो चलचित्रमा काम गर्दा अप्ठ्यारो भएन । हामीले सहजै आफ्नो काम पुरा गर्यौं’, उनी सुनाउँछन् ।
पृथ्वीराजले ‘ईश्वर’मा निर्वाह गरेको चरित्र यसअघि उनले अभिनय गरेका चलचित्रमा निभाएका थिएनन् । ‘यो क्यारेक्टर यसभन्दा अघि मैले चलचित्रमा गरेको थिइनँ ।’, पृथ्वीराज भन्छन् ।
पृथ्वीराजका अनुसार चलचित्र ‘डोली’ पछि उनलाई कुनै चलचित्रबाट पनि अफर आएन । ‘म काम माग्न कतै पनि गइनँ । म आफ्नै व्यावसायिक काममा व्यस्त थिएँ । घर, व्यवसाय र जिममै समय बिताएँ । तर अफर आयो भने चाहिँ चलचित्रमा काम गर्छु भन्ने सोच थियो’, उनी सुनिए ।
पृथ्वीराजलाई कमेडी जनराको चलचित्रमा काम गर्ने इच्छा रहेछ । ‘किस्मत २ मा एक्सन, मंगलममा फ्यामिली ड्रामा र वीरंगनामा एक्सन गरियो । डोलीमा एउटा कन्टेन्टमा काम गरियो । अब कमेडी जनरामा काम गर्ने मन छ’, उनी भन्छन् ।
Latest Updates
-
अमेरिकाका २० भन्दा बढी राज्यमा प्रदर्शन हुँदै ‘बेहुली फ्रम मेघौली’
-
चलचित्र ‘ह्रस्व दीर्घ’ नेपाल पनि नेपाली हिन्दी भाषामा रिलिज हुने
New Releases (Ashwin 24)
-
Jwai Saab
Director : Basanta Niraula
Casts : Jitu Nepal, Niti Shah, Himesh Panta, Buddhi Tamang, Ramesh Budhathoki -
12 Gaun
Director : Biraj Bhatta
Casts : Biraj Bhatta, Samir Bhatta, Sonu Chandrapal, Muralidhar, Sanisha Bhattarai -
Chhakka Panja 5
Director : Deepa Shree Niraula
Casts : Deepak Raj Giri, Kedar Ghimire, Barsha Shiwakoti, Prakash Ghimire, Rajaram Poudyal
Next Releases (Kartik 30)
-
Missing: Keti Harayeko Suchana
Director : Deependra Gauchan
Casts : Shristi Shrestha, Najir Hussain, Durga Sanjay Gupta, Ram Narayan Thakur, Madan Thakur