चलचित्र ‘माइली’मा प्रियंका कार्की अनुबन्धित

लेन्सनेपाल २०८१ आषाढ १४

चलचित्र ‘माइली’मा अभिनेत्री प्रियंका कार्की अनुबन्धित भएकी छन् । बाबू साहेब बलामीको निर्देशन रहने चलचित्रका लागि प्रियंकालाई हालै निर्माण पक्षले अनुबन्धित गरेको हो । निर्माण टिमले प्रियंकाको पोस्टरलुक पनि सार्वजनिक गरेको छ । सार्वजनिक पोस्टरलुकमा प्रियंकालाई ग्रामिण महिलाको चरित्रमा देखाइएको छ ।

रुना इन्टरटेन्ट्मेन्टको ब्यानरमा बन्ने चलचित्र सत्य घटनामा आधारित हुने निर्देशक बलामीले जनाएका छन् । महिलाको पीडा चलचित्रमा प्सतुत गरिने भन्दै निर्देशक बलामी भन्छन् – ‘दलित महिलाको श्रीमान नभएपछि समाजले ऊमाथि कस्तो दृष्टि लगाउछ ? उसका स–साना नाबलक छोरी हुर्काउन कति कठिन हुन्छ ? यहि समाज जातियताको आडमा कसरी प्रताडित गर्छ भन्ने कथा चलचित्रमा देखाइनेछ ।’ असारको अन्तिमबाट छायांकन गरिने चलचित्र मकवानपुरको वीरखर्ग, कुलेखानी, काठमाडौं र दुबईमा खिचिनेछ ।

चलचित्रमा निर्देशक बलामीको कथा, शंकर अधिकारी ‘घायल’को पटकथा र सम्बाद रहने छ । यस्तै घायलकै गीत र राजेन्द्र बजगाइको संगीत रहनेछ ।