पुजालाई दिए आकाशले सुरक्षा !

दर्शक बिच यसरी घेरिए कलाकार

लेन्सनेपाल २०७५ भाद्र २०

गौरा पर्वको अवसर पारि चलचित्र रामकहानीको प्रमोशनका लागि टुँडिखेल पुगेका चलचित्र रामकहानीका कलाकारहरुले नेताहरुसँग तालमा ताल मिलाउँदै देउडा नाचेका छन ।

सोमबार साँझ टुँडिखेलमा आयोजना भएको गौरा पर्वमा पुजा शर्मा, आकाश श्रेष्ठ जीतु नेपाल, राजाराम पौडेललगायतका कलाकारहरु पुगेका थिए । जहाँ नेपाली कांग्रेसका सभापति शेरबहादुर देउवा, नेकपाका नेता भिम रावल लगायतसँग कलाकारहरुले देउडा नाचेका हुन ।

त्यसो त गौरा मनाउन आएका दर्शकहरु माझ पुजा र आकाशले रामकहानीको बारेमा जानकारी दिदै चलचित्र हेर्न आग्रह गरेका थिए । उक्त अवसरमा दर्शकहरुले पुजा र आकाशसँग सेल्फि खिच्न तछाड मछाड गरेको दृष्य समेत देख्न सकिन्थ्यो । त्यसो त दर्शकहरुको बाक्लो उपस्थिति रहेको उक्त स्थानबाट बाहिरीन कलाकारहरुलाई हम्मे हम्मे परेको थियो । कतिपय अवस्थामा भने उपस्थित भिडमाझ आकाशले पुजालाई सुरक्षा दिदै बाहिर निकालेका थिए ।

सुदर्शन थापा निर्देशित चलचित्र रामकहानी शुक्रबारदेखि प्रदर्शन हुँदैछ ।