२६ दिनमा चलचित्र ‘रंगी’को छायांकन पुरा

लेन्सनेपाल २०८१ मंसिर १६

सान्भी इन्टरटेनमेन्ट प्रालिको व्यानरमा निर्माण भइरहेको चलचित्र ‘रंगी’को छायांकन पुरा भएको छ । सलोन बस्नेत प्रस्तुतकर्ता रहेको चलचित्रको छायांकन २६ दिनमा पुरा भएको हो ।

सुरेश न्यौपानेको ‘डेब्यू’ निर्देशन रहेको चलचित्रमा चलचित्रमा सलोन बस्नेत, नम्रता श्रेष्ठ, दिलीप रायमाझी, आयुषी ढकाल, उत्तम केसी, सुमिन गुरुङ, र विशाल पहारीको अभिनय रहनेछ । ३० दिनको समय तालिका लिएर छायांकनमा गएको चलचित्र निर्धारित समयभन्दा ४ दिनअघि नै इन्डक्ल्याप भएको हो ।

निर्देशक न्यौपानेसँग चलचित्र ‘छक्का पन्जा’, ‘ए मेरो हजुर २’, ‘यात्रा’, ‘म यस्तो गीत गाउँछु २’, ‘कृ’लगायतका चलचित्रमा मुख्य सहायक निर्देशनको अनुभव छ ।सक्षम सुवेदीको निर्माण रहेको चलचित्रमा सुमन गजमेरको लेखन, सौरभ लामाको छायांकन, दुर्गेश थापा, आमेश भण्डारी र भीम बिसीको संगीत, कविराज गहतराज र शिशिर खातीको कोरियोग्राफी तथा केवलमान सिंह बस्नेतको प्रोडक्सन छ ।