‘रातो टिका निधारमा’को पोस्टर सार्वजनिक

लेन्सनेपाल २०७६ भाद्र २५
‘रातो टिका निधारमा’को पोस्टर सार्वजनिक

चलचित्र ‘रातो टिका निधारमा’को पोस्टर सार्वजनिक गरिएको छ ।

सार्वजनिक पोस्टरमा मुख्य कलाकार साम्राज्ञी राज्यलक्ष्मी शाह र अंकित शर्माका साथै रविन्द्र झा, नीता ढुंगाना, खुस्बु खड्का, बुद्दि तामाङ, बसुन्धरा भुषाल, शिवहरि पौडेल, जयनन्द लामा, लक्ष्मी गिरी, अरुणा कार्की, राजराम पौडेल, कमला रेग्मीलगायतका कलाकार स्थान दिइएको छ ।

दशैंको अवसर पारी असोज १० गतेबाट प्रदर्शनमा आउने चलचित्रको पोस्टर रातो टिका र जमराको रङ्गले पोतिएको छ । जसले दशैँ आएको भान गराउछ ।

किरण शर्मा र कृति शर्माले निर्माण गरेको चलचित्रमा शम्भुजित बाँस्कोटा र कल्याण सिंहको संगीत, बसन्त श्रेष्ठको कोरियोग्राफी, पुरुषोत्तम प्रधानको छायाँकन, मित्र देव गुरुङको सम्पादन र राजेश शाहको भिएफएक्स छ । चलचित्रले वैदेशिक रोजगारको विषय उठान गरेको छ ।