‘रातो टिका निधारमा’को गीत सार्वजनिक

लेन्सनेपाल २०७६ श्रावन २३
‘रातो टिका निधारमा’को गीत सार्वजनिक

चलचित्र ‘रातो टिका निधारमा’को पहिलो गीत सार्वजनिक गरिएको छ । राजधानीमा आयोजित एक कार्यक्रमका बिच सार्वजनिक गरिएको ‘मेरो माया के हो’ बोलको रोमान्टिक गीतमा साम्राज्ञी राज्यलक्ष्मी शाह र अंकित शर्मालाई फिचर्ड गरिएको छ ।

नेपाल आइडलबाट चर्चामा आएका निशान भट्टराई र अश्मिता अधिकारीको स्वर रहेको गीतमा मल्लको शब्द, कल्याण सिंहको संगीत र बसन्त श्रेष्ठको कोरियोग्राफी रहेको छ । ‘रातो टिका निधारमा’ बाट नै अंकितले चलचित्रमा डेव्यु गरेका छन् ।

अशोक शर्मा निर्देशित ‘रातो टिका निधारमा’ दशैँमा रिलिज हुँदैछ । यद्यपी दशैको कुन दिन भन्ने अझै टुङ्गो नलागेको अशोकको भनाई छ । किरण शर्मा र कृति शर्माले निर्माण गरेको चलचित्रमा साम्राज्ञी र अंकितसँगै बुद्दि तामाङ, रविन्द्र झा, शिवहरि पौडेल, खुस्बु खड्का, लक्ष्मी गिरी, अरुणा कार्की, बसुन्धरा भुसाल, जयनन्द लामा, राजराम पौडेल, कमला रेग्मीलगायतका कलाकारको अभिनय छ ।

ए।ए ग्रुप अफ कम्पनीजबाट निर्माण भएको चलचित्रमा शम्भुजित बाँस्कोटा र कल्याण सिंहको संगीत, बसन्त श्रेष्ठको कोरियोग्राफी, पुरुषोत्तम प्रधानको छायाँकन, मित्र देव गुरुङको सम्पादन र राजेश शाहको भिएफएक्स छ ।