चलचित्र ‘रावायण’को दोस्रो पोष्टर सार्वजनिक

लेन्सनेपाल २०८१ श्रावन २५

चलचित्र ‘रावायण’को दोस्रो पोष्टर सार्वजनिक भएको छ । पोष्टरमा पल शाह र पुजा शर्मा फिचर्ड छन् । दुवैको पृष्ठभूमिमा ‘एसिड आक्रमण गर्ने अपराधीलाई कारवाही गर’ भन्ने व्यानरसहित प्रहरी कार्यालय अगाडि प्रदर्शन गरिरहेका एक समूहलाई देख्न सकिन्छ ।

आगामी भदौ २१ गतेबाट रिलिज हुने चलचित्रलाई सुदर्शन थापाले निर्देशन गरेका हुन् । सुदर्शन थापा प्रोडक्शन र पुजा शर्मा प्रोडक्शनको संयुक्त व्यानरमा बनेको चलचित्रकी निर्माता पुजा शर्मा हुन् भने कार्यकारी निर्माता सुशन पाठक हुन् ।

चलचित्रमा पल र पुजाका साथै प्रियंका कार्की, प्रमोद अग्रहरी, निकीता चण्डक, प्रकाश शाह, कैलाश रावल, अर्जुनजंग शाही, शर्मिला मल्ल, प्रदिप ढकाललगायतको अभिनय छ ।

चलचित्रमा निर्देशक थापाको कथा, शिवम अधिकारीको लेखन, सौरभ लामाको छायांकन, मिलन श्रेष्ठको सम्पादन, प्रमोद श्रीनिवासनको साउण्ड डिजाइन, निरज सिंह, रेवन आरती सिंहको संगीत, नकासा अजिज, कुनाल गान्जावाला, सोनु कक्करको स्वर, डा. कृष्णहरि बराल र प्रदीप श्रीवास्तवको शब्द, विक्रम स्वार र रामजी लामिछानेको कोरियोग्राफी, श्री श्रेष्ठको एक्सन र समीर मियाँको भीएफएक्स छ ।