Mahajatra

चलचित्र ‘रे’ को गीत सार्वजनिक

२०७६ बैशाख १६
चलचित्र ‘रे’ को गीत सार्वजनिक

चलचित्र ‘रे’ को गीत सार्वजनिक भएको छ । सार्वजनिक ‘सागरमाथि’ बोलको गीतमा मेलिना राई र ओम सुनारको स्वर, राजेन्द्र त्रिपाठीको शब्द र ओम सुनारकै संगीत रहेको छ । गीतको भिडियोमा कविराज गहतराजले कोरियोग्राफी गरेका हुन् । 

दिनेश पौडेलको निर्देशन रहेको चलचित्रमा उनकै कथा रहेको छ । ललितपुरको मछेन्द्र नारायण जात्रा, काठमाडौँको इन्द्र जात्रा र भक्तपुरको बिस्केट जात्राको वरिपरि चलचित्रको कथा केन्द्रित भएका निर्देशक पौडेलले जनाएका छन् । चलचित्रमा एक्सन, लभ, रोमान्स, कमेडी जस्ता सबै मसला रहेको उनको भनाई छ ।

चलचित्रमा दिवश धिताल, सुजता थापा, सुनिल थापा, पुर्णिमा लामा, क्रान्ति बराइली, अभि जोशी, रक्षा गुरागाईलगायतका कलाकारहरुको अभिनय रहेको छ । सगुन फिल्मसको ब्यानरमा निर्माण भएको चलचित्रमा राजेन्द्र त्रिपाठीको लगानी रहेको छ । चलचित्र असार २७ गतेबाट प्रदर्शनमा आउने जनाइएको छ ।