तेलुगु अभिनेता जयाप्रकाश रेड्डीको निधन

लेन्सनेपाल २०७७ भाद्र २३

तेलुगु चलचित्रका प्रख्यात अभिनेता जयाप्रकाश रेड्डीको मंगलबार हृदयघातका कारण निधन भएको छ । उनको ७४ वर्षको उमेरमा आन्द्र प्रदेशको गुंटुरमा रहेको घरमा निधन भएको हो ।

सानै उमेरदेखि अभिनयमा होमिएका उनको पहिलो फिल्म ‘ब्रह्म पुत्रुदु’ थियो । प्रायः नेगेटिभ र कमेडी भूमिकामा देखिएका उनका लागि चलचित्र ‘समरसिम्हा रेड्डी’ उनको करिअरको टर्निङ पोइन्ट सावित भयो । यसबाट भिलेनको रुपमा उनलाई पहिचान मिलेको थियो । उनले ‘नरसिम्हा नायडू’, ‘आनन्दम’, ‘कबड्डी कबड्डी’, ‘चिन्ना’, ‘किङ’ लगायतका चलचित्रमा काम गरेका छन् ।

उनको निधनले तमिल र तेलुगूमा शोक छाएको छ । आन्ध्र प्रदेशका पूर्व मुख्यमन्त्री एन चन्द्रबाबू नायडूसँगै तेलुगू चलचित्रकर्मीले जय प्रकाश रेड्डीप्रति श्रद्धाञ्जली अर्पण गरेका छन् ।

रेड्डी पछिल्लो पटक चलचित्र ‘सरिलेरु नीकेवरु’ मा देखिएका थिए ।