आर्जन पाण्डेको ‘सम्झनाले सताइरह्यो’ सार्वजनिक

लेन्सनेपाल २०८१ आषाढ १७

गायक आर्जन पाण्डेको नयाँ गीत ‘सम्झनाले सताइरह्यो’ सार्वजनिक गरिएको छ । सोमबार सार्वजनिक गीतमा आर्जनको स्वर, अरुण तिवारीको शब्द, प्रविण बराइलीको संगीत र सन्दिप कार्कीको संगीत संयोजन रहेको छ ।

सोमबार आधुनिक जनराको गीतको अडियो सँगै लिरिकल भिडियो सार्वजनिक गरिएको हो । स्टुडियो सागरमा रेकर्ड गरिएको गीतको लिरिकल भिडियो इभन भण्डारीले तायार पारेका हुन् ।

सन् २०१५ देखि गायनमा सक्रिय आर्जनका ‘ओइलिएर झर्न दिन्न’ ‘रेलिमाई’, ‘डलर’, ‘झुसे बारुलो’, ‘तिमीलाई हेरी हेरी’ लगायतका गीतहरु चर्चित छन् । उनले आधुनिक, पप, लोक पप, चलचित्रजस्ता विभिन्न विधाका गीतमा स्वर दिएका छन् ।