चलचित्र ‘साम्राज्य’को निर्माण हुने

लेन्सनेपाल २०८० चैत्र ९

निर्देशक बाबु साहेब बलामीको निर्देशनमा निर्माण हुने चलचित्र ‘साम्राज्य’को निर्माण घोषणा गरिएको छ । शुक्रबार राजधानीमा आयोजित एक कार्यक्रमका बिच चलचित्रको निर्माणको औपचारिक घोषणा गरिएको हो ।

चलचित्रमा भोजपुरी अभिनेता कुन्दन भारद्धाज, देव सिंह, प्रशान्त ताम्राकार, अनुजा लेप्चाको मुख्य भुमिका रहनेछ । निर्देशक बलामीले फिल्म नेपाली र हिन्दी गरी दुई भाषामा रिलिज गरिने जानकारी दिए । उनको प्रदर्शनको तयारीमा रहेको चलचित्र ‘देववाणी’ पनि दुई भाषामा नै तयार गरिएको छ । हरिबहादुर घलेको छायाङ्कन रहने चलचित्रमा शंकर अधिकारी ‘घायल’को गीत हुनेछ ।

अनुजा इन्टरटेनमेन्टको व्यानरमा निर्माण हुने चलचित्रमा हिराबहादुर लेप्चा र पूर्णिमा लेप्चाको लगानी रहनेछ । जून ५ अर्थात जेठ अन्तिमबाट फ्लोरमा जाने इन्डो नेपाली चलचित्रमा केही नेपाली र भारतीय कलाकार छनोटको चरणमा रहेको निर्माण टिमले जनाएको छ । एक्सन जनरामा निर्माण हुने चलचित्रलाई उत्कृष्ट बनाउन कुनै कसर बाँकी नराख्ने निर्माता हिरा बहादुर लेप्चाले बताए ।