५० दिनमा सकियो बिराजको चलचित्र ‘साङ्लो’

लेन्सनेपाल २०७६ आषाढ ११
५० दिनमा सकियो बिराजको चलचित्र ‘साङ्लो’

चलचित्र ‘साङ्लो’को छायाँकन सकिएको छ । विराज भट्ट र निकिता चाण्डक अभिनित चलचित्रको छायाँकन ५० दिनमा सकिएको हो ।

बैशाख २४ गतेबाट छायाँकन शुरु भएको चलचित्रको बजेट दुई करोड माथी रहेको बताइएको छ । अभिनेता विराज भट्टको निर्देशन रहेको चलचित्रलाई बिराज र तेज बहादुर खड्काले निर्माण गरेका हुन् ।

बिराज भटट् फिल्म प्रोडक्सन प्रालीको व्यानरमा निर्माण भएको चलचित्रमा बिराज र निकिताका अलवा प्रकाश शाह, कामेश्वर चौरासिया, अमित गिरी, रमेश सोडारी, जयनन्द लामा, आरपी पन्त, भरत शाह, दुर्गा सुवेदी लगायतका कलाकारको अभिनय रहेको छ ।

चलचित्रमा मानकृष्ण महर्जनको छायाँकन, शिवम अधिकारीको पटकथा तथा संवाद, कविराज गहतराज र रामजी लामिछानेको कोरियोग्राफी, श्री श्रेष्ठको द्वन्द्व निर्देशन र सुरेश अधिकारी, राजनराज सिवाकोटी र विनोद खम्बुको संगीत  रहेको छ । काठमाडौं, सुदुर पश्चिम डोटीको जोराइल, खप्तड र मुस्ताङमा चलचित्रको छायाँकन गरिएको हो । 

एक्सन लभस्टोरी जनराको चलचित्रको प्रदर्शन मिति भने तय गरिएको छैन् ।