अमेरिकाबाट सुमनको ‘शंका’

लेन्सनेपाल २०७८ माघ १६

सर्ट फिल्म ‘शंका’ सार्वजनिक गरिएको छ । सुमन दाहलको निर्देशन रहेको सर्ट फिल्ममा चुडामणी अवस्थी, सविता चैलागाइ केसी, बिष्णु डुम्रे, भुवन लोहनी, सन्दिप अर्याललगायतका कलाकारको अभिनय रहेको छ ।

सर्ट फिल्ममा चुडामणी अवस्थीको कथा, अक्की शर्माको छायांकन, भुपेन्द्र अधिकारीको सम्पादन, रेनिस फागोको कलर र मुकेश साहको मिक्सिंग तथा एलिस कार्कीको पाश्र्व संगीत रहेको छ । सुदन डोटेल र सरोज प्याकुरेलले शवटाइटलको काम गरेको फिल्ममा सन्दिप अर्यालले ब्यबस्थापनको काम गरेका छन ।

श्रीमान श्रीमती बिचमा हुने शंकाले कस्तो अबस्था निम्ताउछ भन्ने कुरा फिल्ममा समेटिएको छ । फिल्मको कथाबारे प्रष्ट पार्दै निर्देशक दाहालले पारिवारिक समस्याको विषयलाई उठाएर शिक्षा, सचेतना फैलाउने खालको सन्देश मुलक सर्ट फिल्म बनाएको जनाएका छन् ।

Suman Dahal

Know more about 'Suman Dahal'

सम्राट क्रियसन युट्युव च्यानलबाट सार्वजनिक गरिएको सर्ट फिल्म अमेरिकाको दक्षिणपुर्वी राज्य केन्टकीको लेक्सिनटन शहर र आसपासका क्षेत्रमा छायाँकन गरीएको हो । दाहाल पछिल्लो समय अमेरिका बाटै म्युजिक भिडियो र सर्ट फिल्म निर्माणमा सक्रिय रहदै आएका छन् ।